IPL 2023: సిక్సర్ల సునామీ.. ఐపీఎల్‌ చరిత్రలో అత్యధికం..
దిశ, వెబ్‌డెస్క్: IPL 2023లో చెన్నై-ఆర్సీబీ మధ్య మ్యాచ్‌లో మధ్య జరిగిన మ్యాచ్‌లో పరుగుల వరద పారింది. ఈ మ్యాచ్‌లో ఏకంగా 444 పరుగులు బాదారు. తొలుత బ్యాటింగ్‌ చేసిన చెన్నై నిర్ణీత ఓవర్లలో 6 వికెట్ల నష్టానికి 226 పరుగులు చేయగా.. ఆర్సీబీ 20 ఓవర్లలో 8 వికెట్లు కోల్పోయి 218 పరుగులకే పరిమితమై, 8 పరుగుల తేడాతో ఓటమిపాలైంది. ఇరు జట్ల బ్యాటర్లు విధ్వంసకర ఇన్నింగ్స్‌ల కారణంగా ఐపీఎల్‌లో అత్యధిక సిక్సర్లు నమోదైన మ్యాచ్‌‌గా రికార్డు సృష్టించింది.
ఈ మ్యాచ్‌లో ఇరు జట్ల ఆటగాళ్లు కలిసి ఏకంగా 33 సిక్సర్లు (సీఎస్‌కే 17, ఆర్సీబీ 16) బాదారు. అయితే ఇన్ని సిక్సర్లు ఓ ఐపీఎల్‌ మ్యాచ్‌లో నమోదు కావడం ఇది మూడోసారి. 2018 సీజన్‌లో ఇదే జట్ల (చెన్నై-ఆర్సీబీ) మధ్య జరిగిన మ్యాచ్‌లో తొలిసారి 33 సిక్సర్లు నమోదు కాగా.. 2020 సీజన్‌లో రాజస్థాన్‌- చెన్నై జట్ల మధ్య జరిగిన మ్యాచ్‌లోనూ ఇన్నే సిక్సర్లు నమోదయ్యాయి.
