IPL 2023: ఆరెంజ్, పర్పుల్ క్యాప్స్ ఆ జట్టు ప్లేయర్స్‌కే..
దిశ, వెబ్‌డెస్క్: అత్యధిక పరుగులు, అత్యధిక వికెట్లు తీసిన క్రీడాకారులకు ఇచ్చే ఆరెంజ్, పర్పుల్ క్యాప్‌లను ఆర్సీబీ ప్లేయర్లు సొంతం చేసుకున్నారు. ఈ సీజన్‌లో బ్యాటింగ్‌తో డుప్లెసిస్ చెలరేగుతున్నాడు. ఆరు మ్యాచ్‌లలో 343 పరుగులతో డుప్లెసిస్ తొలిస్థానంలో ఉన్నాడు. అతడి స్ట్రైక్ రేట్ 166.5 కావడం విశేషం. పంజాబ్ కింగ్స్‌తో మ్యాచ్‌లో 56 బంతుల్లో 84 పరుగులు చేసిన డుప్లెసిస్ ఆరెంజ్ క్యాప్ సొంతం చేసుకున్నాడు.
విరాట్ కోహ్లి 279 పరుగులతో మూడోస్థానంలో ఉన్నాడు. అత్యధిక వికెట్లు తీసుకున్న బౌలర్ గా ఆర్సీబీ బౌలర్ మహ్మద్ సిరాజ్ టాప్ లో నిలిచాడు. పంజాబ్ కింగ్స్ తో మ్యాచ్ లో నాలుగు వికెట్లు తీసి మ్యాన్ ఆఫ్ ద మ్యాచ్ గా నిలిచాడు. మొత్తం 12 వికెట్లతో ఈ లిస్టులో టాప్ లో నిలిచి పర్పుల్ క్యాప్ సొంతం చేసుకున్నాడు. లఖ్ నవూ బౌలర్ మార్క్ వుడ్, రాజస్థాన్ బౌలర్ యజువేంద్ర చాహల్; గుజరాత్ బౌలర్ రషీద్ ముగ్గురు 11 వికెట్లతో రెండు, మూడు, నాలుగు స్థానాల్లో కొనసాగుతున్నారు.
