అదుపుతప్పి బోల్తాపడిన లారీ..తృటిలో తప్పిన ప్రమాదం

దిశ,తిరుమల:తిరుమల రెండవ ఘాట్ రోడ్డులో మెటీరియల్‌తో వెళుతున్న లారీ అదుపు తప్పి బోల్తాపడిన సంఘటన చోటు చేసుకుంది. వివరాల్లోకి వెళితే..తిరుమల రెండవ ఘాట్ రోడ్డులోని లింక్ రోడ్డు సమీపంలో రోడ్డు మరమత్తుల కొరకు బుధవారం అర్ధరాత్రి సమయంలో మెటీరియల్ తీసుకెళుతున్న లారీ అదుపు, తప్పి బోల్తా పడింది. ఈ క్రమంలో లారీ రెండు చక్రాలు విడిపోయాయి. ఈ ప్రమాదంలో లారీలో ఉన్న డ్రైవర్, క్లీనర్‌కు గాయాలు అయ్యాయి. ఆ సమయంలో వాహన రాకపోకలు లేకపోవడంతో పెద్ద ప్రమాదం తప్పింది. కాగా గాయపడ్డ వారిని ఆస్పత్రికి తరలించారు.