Possession of marijuana : 115 కిలోల గంజాయి పట్టివేత
దిశ, సంగారెడ్డి : అక్రమంగా తరలిస్తున్న 115 కిలోల ఎండు గంజాయిని పోలీసులు పట్టుకున్నారు. శనివారం మునిపల్లి మండలం కంకోల్ టోల్ ప్లాజా వద్ద వాహనాల తనిఖీ నిర్వహించారు. అసిస్టెంట్ సూపరింటెండెంట్ శ్రీనివాస్ రెడ్డి ఆధ్వర్యంలో మెదక్ ఎన్ ఫోర్స్ మెంట్ టీం కంకోల్ టోల్ ప్లాజా వద్ద వాహనాల తనిఖీలు చేయగా రెండు కార్లలో తరలిస్తున్న 115 కిలోల ఎండు గంజాయిని పట్టుకున్నారు.
గంజాయి తరలిస్తున్న ఎక్ నాథ్ ఖేసర్, అభినాథ్ బిడెను అరెస్టు చేశారు. వారి వద్ద నుంచి 115 కిలోల ఎండు గంజాయితో పాటు రూ.40 వేల నగదు స్వాధీనం చేసుకున్నారు. పట్టుబడ్డ ఎండుగంజాయి విలువ రూ.42 లక్షలు ఉంటుందని ఎక్సై్జ్ అధికారులు తెలిపారు. ఈ వాహనాల తనిఖీలో మెదక్ డివిజన్ సీఐలు బి.గాంధీ నాయక్, పి.వీణారెడ్డి, సీహెచ్.చంద్రశేఖర్, ఎస్ఐలు ఎ.అనిల్ కుమార్, బి.యాదయ్య, హెడ్ కానిస్టేబుళ్లు ఎం.డి అలీం, ఎం.గోపాల్, అమ్మతుల్ కరీం, మల్కయ్య, రామారావు నాయక్, సతీష్ మోహన్, ఉమారాణి, కావశ్రీ, వివేక్. ప్రహ్లాద్ రెడ్డి పాల్గొన్నారు.
