బిగ్‌బాస్‌లోకి ఎంట్రీ ఇస్తున్న ప్రభాస్ హీరోయిన్..
దిశ, వెబ్ డెస్క్ : టాలీవుడ్‌లో తన నటనతో ఓ దశలో ప్రత్యేకమైన ఫ్యాన్ బేస్ సంపాదించుకున్న హీరోయిన్ శ్రీదేవి. యంగ్ రెబల్ స్టార్‌తో ఈశ్వర్ సినిమాలో నటించి తెలుగు ప్రేక్షకులకు దగ్గరైంది ఈ అమ్మడు. కెరీర్ అరంభంలో హీరోయిన్ పాత్రలతో వరుసగా సినిమాలు చేసినా.. అవి ఆశించిన స్థాయిలో ఆడలేదు. దీంతో సెలెక్టెడ్ పాత్రలను మాత్రమే ఎంచుకుని తనకంటూ తమిళ, తెలుగు ఇండస్ట్రీల్లో మంచి పేరు సంపాదించుకుంది. వివాహం అనంతరం ఆమె పూర్తిగా సినిమాల్లో నటించడం మానేసింది. సోషల్ మీడియాలో 24 గంటలు యాక్టివ్‌గా ఉండే శ్రీదేవి తన వ్యక్తిగత విషయాలను, ఫోటోలను ఫ్యాన్స్ కోసం షేర్ చేస్తూ నిత్యం వార్తలో నిలుస్తుంది. ఈ నేపథ్యంతో శ్రీదేవి గురించి ఓ వార్త నెట్టింట్లో చెక్కర్లు కొడుతోంది. త్వరలోనే టెలివిజన్ స్క్రీన్‌పై ప్రారంభం కాబోతున్న తమిళ బిగ్బాస్ హౌజ్‌లోకి శ్రీదేవి వెళ్తుందనే టాక్ వినిపిస్తుంది. గతంలో శ్రీదేవి సోదరి వనిత విజయ్ కుమార్ కూడా బిగ్బాస్ షోలో పార్టిసిపేట్ చేసింది. కానీ, శ్రీదేవి బిగ్బాస్ షోలో పాల్గొనబోతోందనే విషయం మాత్రం అధికారికంగా వెలువడలేదు.
