పల్లవి ప్రశాంత్ బెటర్.. అమర్ ఏం చేయడం లేదు నటరాజ్ మాస్టర్ షాకింగ్ కామెంట్స్

దిశ, వెబ్‌డెస్క్: బిగ్‌బాస్ సీజన్‌-7 మొదలై ఇప్పుడు మూడో వారం కొనసాగుతుంది. అయితే అమర్ దీప్ పలు సీరియల్స్ ద్వారా ప్రేక్షకులకు సుపరిచితుడు. బిగ్‌బాస్ లోకి వెళ్లిన దగ్గర నుంచి ఆయన ప్రేక్షకులను ఆకట్టుకోవడంలో మాత్రం విఫలం అవుతున్నాడు. నిన్న మొన్న జరిగిన ఎపిసోడ్ లోనూ బిగ్ బాస్ జుట్టు కత్తిరించుకోమంటే నా వల్ల కాదు అంటూ చేతులెత్తేశాడు.

తాజాగా, ఓ ఇంటర్వ్యూలో పాల్గొన్న నటరాజ్ మాస్టర్, అమర్ దీప్‌పై షాకింగ్ కామెంట్స్ చేశాడు. ‘‘నా అభిప్రాయం చెప్తున్నాను.. అమర్ దీప్ ఏం చేయడానికి హౌస్ లోకి వెళ్ళాడో అది చేయడం లేదు. మొదటి వారం ఏం చేయలేకపోయాడు. రెండో వారంలో బీటెక్ వ్యవహారంతో ఓట్లు తెచ్చుకుందాం అనుకున్నాడు. కానీ అది బెడిసికొట్టింది. మేము సీరియల్ వాళ్ళం మేము అది చేస్తాం ఇది చేస్తాం అంటున్నాడు. ముందు నీ ఆట నువ్వు ఆడు. గ్రూప్ కట్టి గేమ్ ఆడటం రాంగ్. అలాగే మీ అందరికంటే కష్టపడి వచ్చిన ప్రశాంత్ చాలా బెటర్. అతనిని టార్గెట్ చేయడం పిచ్చుకపై బ్రహ్మాస్త్రం ప్రయోగించినట్టే అని తన అభిప్రాయాన్ని చెప్పారు నటరాజ్ మాస్టర్. అలాగే రతికాను చూస్తుంటే బేబీ గుర్తొస్తుంది అని అన్నారు. కష్టపడి వచ్చి గేమ్ ఆడుతున్నవాళ్లను కిందకు లాగాలని చూస్తుంది’’ అని నటరాజ్ మాస్టర్ చెప్పుకొచ్చారు.