బిగ్‌బాస్-7: టేస్టీ తేజ తొమ్మిది వారాలకు ఎంత రెమ్యునరేషన్ తీసుకున్నాడో తెలుసా?
దిశ, వెబ్‌డెస్క్: బిగ్‌బాస్ సీజన్-7 ఆసక్తికరంగా కొనసాగుతుంది. రోజు రోజుకు పలు కఠినమైన టాస్కుల పెట్టడం వల్ల అందరూ ఎవరు గెలుస్తారో అని ఆసక్తిగా చూస్తున్నారు. అయితే ఈ షోలో దాదాపు తొమ్మిదో వారం పూర్తి కావొస్తోంది. ఇప్పటికే ఎనిమిది మంది ఎలిమినేట్ అయి ఇంటి నుంచి బయటకు వచ్చేశారు. అయితే ఒక తొమ్మిదో వారం టేస్టీ తేజ బయటకు వచ్చినట్లు సమాచారం. స్ట్రాంగ్ కంటెస్టెంట్‌, నామినేషన్స్‌లోకి వస్తే ఆత్మస్థైర్యం పెరుగుతుందంటూ నామినేట్ చేసే తేజ.. ఈ సారి ఆయన ఎలిమినేట్ అయిపోయాడని తెలుస్తోంది.
తక్కువ ఓట్లు వచ్చినందుకు ఆయన ఈ రోజు బయటకు వస్తాడని తెలుస్తోంది. అలాగే సందీప్ మాస్టర్ కూడా తేజ ఎలిమినేట్ అయ్యాడని పలు పోస్టుల ద్వారా తెలిపారు. మొత్తానికి తొమ్మిదో వారం తేజ బిగ్‌బాస్ నుంచి బయటకు వచ్చేశాడని టాక్. తాజాగా, తేజ 9 వారాలకు గానూ భారీగానే రెమ్యునరేషన్ అందుకున్నట్లు వార్తలు సోషల్ మీడియాలో చక్కర్లు కొడుతున్నాయి. తేజ 9 వారాలకు రూ. 13.5 లక్షలు తీసుకున్నట్లు తెలుస్తోంది. ఈ లెక్కన చూస్తే ఎలిమినేట్ అయినా కానీ తేజ భారీగానే వసూలు చేశాడని నెటిజన్లు అనుకుంటున్నారు.
