కాసేపట్లో ప్రాణప్రతిష్ట.. ఎల్‌కే అద్వానీ హాజరుపై క్లారిటీ

దిశ, వెబ్‌డెస్క్: అయోధ్య రామమందిర ప్రారంభోత్సవానికి బీజేపీ సీనియర్ నేత ఎల్‌కే అద్వానీ హాజరుపై సందిగ్ధత నెలకొంది. ఆయన రాకపై బీజేపీ శ్రేణులు విభిన్న రీతిలో స్పందిస్తున్నారు. బాల రాముడి ప్రాణప్రతిష్ట చేసుకోవడానికి ప్రధాన కారణమైన అద్వానీ తప్పక రావాలని కొందరు కోరుతుండగా.. చలి తీవ్రత కారణంగా ఆయన రావట్లేదని బీజేపీ వర్గాలు వెల్లడించారు. దీంతో ఆయన రావడం కష్టమే అని తెలుస్తోంది. ఇదిలా ఉండగా.. వయోకారణాల దృష్యా ఆయన్ను ఈ వేడుకకు రావద్దని చెప్పడం రామజన్మభూమి క్షేత్ర ట్రస్టు చెప్పడం పెద్ద దుమారం రేపిన సంగతి తెలిసిందే. దీంతో వారి కోసం ప్రత్యేక ఏర్పాట్లు చేసినట్లు తెలిపారు. 96 ఏండ్ల అద్వానీకి అవసరమైన అన్ని ఏర్పాట్లు, వైద్య సదుపాయాలు కల్పిస్తున్నామని వీహెచ్పీ అంతర్జాతీయ వర్కింగ్ ప్రెసిడెంట్ అలోక్ కుమార్ అన్నారు. అయినా ఆయన రాకపై సందిగ్ధత నెలకొంది.