క్యాంపస్‌లో కాల్పులు.. 8 మంది విద్యార్థులు మృతి

దిశ, వెబ్‌డెస్క్: రష్యాలో కాల్పులు కలకలం సృష్టించాయి. పెర్మ్ నగరంలోని ఓ యూనివర్సిటీలో గుర్తుతెలియని వ్యక్తి జరిపిన కాల్పుల్లో 8 మంది మృతిచెందారు. మరో 12 మందికి తీవ్ర గాయాలయ్యాయి. దీంతో వెంటనే అప్రమత్తమైన రష్యా పోలీసులు కాల్పులు జరిపిన వ్యక్తిని హతమార్చారు. ఈ మేరకు రష్యా న్యూస్ ఏజెన్సీ వెల్లడించింది. సోమవారం ఉదయం యూనివర్సిటీ క్యాంపస్‌లోకి నడుచుకుంటూ వెళ్లిన ఆ దుండగుడు ఒక్కసారిగా గన్ తీసి కాల్పులు జరిపినట్లు స్థానిక విద్యార్థులు చెబుతున్నారు. ఈ కాల్పుల్లో 8 మంది మరణించడంతో తప్పించుకునేందుకు మిగతా విద్యార్థులు భవనం కిటికీల నుంచి కిందకు దూకుతున్న దృశ్యాలు సోషల్ మీడియాలో వైరల్‌గా మారాయి. కొంతమంది తరగతి గదుల్లోనే దాక్కున్నారు. నాన్ లీగల్ గన్‌తో దుండగుడు కాల్పులు జరిపినట్లు యూనివర్సిటీ అధికారులు తెలిపారు.