కరోనాతో 45 రోజుల శిశువు మరణం

న్యూఢిల్లీ: కేవలం 45 రోజుల వయసున్న శిశువు కరోనావైరస్ కారణంగా మరణించింది. ఢిల్లీలోని కళావతి శరణ్ చిల్డ్రన్స్ హాస్పిటల్‌‌లో ఆ చిన్నారిని ఈ నెల 14న అడ్మిట్ చేశారు. కాగా, రెండు రోజుల తర్వాత ఆ శిశువుకు కరోనా పాజిటివ్‌గా తేలింది. శనివారం ఆ ఆడ శిశువు ప్రాణం కోల్పోయింది. కరోనా వయసుల కతీతంగా అందరికీ వ్యాపిస్తున్నది. శిశువు సహా పండు ముసలివరకు అందరికీ సోకుతూ భయభ్రాంతులకు గురిచేస్తున్నది. ఇంత చిన్న వయసు శిశువుకూ వైరస్ సోకడం.. మరణించడం కలకలం రేపుతున్నది. 45 రోజుల శిశువు ఈ వైరస్ కారణంగా మరణించడం ఇదే మొదటిసారి. కాగా, మూడు రోజుల క్రితం ఇదే ఆస్పత్రిలో 10 నెలల చిన్నారి కొవిడ్ 19తో బాధపడుతూ చేరిందని ఓ వైద్యుడు తెలిపారు.

tags: coronavirus, pandemic, infant, died, infected