బెయిల్‌పై బయటకొచ్చిన వైసీపీ ఎమ్మెల్యే

దిశ, ఏపీ బ్యూరో: ఓ వార్డుకు పోటీ చేసిన వ్యక్తి బంధువును బెదిరించిన కేసులో శనివారం పోలీసులు వైసీపీ ఎమ్మెల్యేని అరెస్టు చేశారు. అరెస్టైన కొద్దిసేపటికే స్టేషన్​బెయిల్​పై విడుదల చేశారు. విశాఖ జిల్లా యలమంచిలి ఎమ్మెల్యే కన్నబాబు రాజు స్థానిక ఎన్నికల్లో పోటీ చేస్తున్న వార్డు మెంబర్ అభ్యర్థి అల్లుడ్ని బెదిరించినట్లు ఆయన వాయిస్​సోషల్​ మీడియాలో వైరల్ అయింది. బాధితుడి ఫిర్యాదు మేరకు ఎమ్మెల్యే కన్నబాబు రాజు‌పై వివిధ సెక్షన్ల కింద పోలీసులు కేసు నమోదు చేశారు. శనివారం ఆయన్ని రాంబిల్లి పోలీసులు అరెస్ట్ చేసి స్టేషన్ బెయిల్‌పై విడుదల చేశారు.