తన చుట్టూ ఉన్న వలయాలను తానే మింగేస్తున్న శ‌నిగ్ర‌హం! ఎందుకో తెలియ‌ట్లా..?!
దిశ, వెబ్‌డెస్క్ః భూమికి నుంచి క‌నిపించే గ్రాహాల్లో శని గ్రహం రాత్రి వేళ‌ల్లో ఆకాశంలో ఎంతో అందంగా, అద్భుతంగా క‌నిపిస్తుంది. అన్నింటికంటే, మన సౌర వ్యవస్థలో సులభంగా కనిపిస్తూ, గంభీరమైన వలయాలు కలిగిన ఏకైక గ్రహం కూడా ఇదే. అయితే, టెలిస్కోప్ ద్వారా శనిగ్రహాన్ని రోజూ చూస్తే ఈ గ్రహం చుట్టూ మంత్రముగ్దులను చేసే వ‌ల‌యాల అందాలు కొన్నాళ్లుగా క‌రిగిపోతున్న‌ట్లు తెలుస్తుంది. శని గ్రహం వలయాలు రాతి, మంచు, ధూళితో తయార‌య్యాయి. ఈ వలయాలు 10 నుంచి 100 మిలియన్ సంవత్సరాల నాటివని అంచనా. మ‌న‌కు తెలిసిన డైనోసార్‌లు కేవలం 66 మిలియన్ సంవత్సరాల క్రితం భూమిపై తిరిగాయ‌ని అనుకుంటే శని గ్రహం వలయాలు ఇంకా చాలా ఎక్కువ కాలం కింద‌టివి. అలాంటి వలయాలు ఇప్పుడు కోల్పోతోంది శ‌నిగ్ర‌హం. దీని కార‌ణంగా శని గ్ర‌హానికి, ఇతర గ్రహాలకు మధ్య తేడా స‌న్న‌గిల్లుతుంది. 'రింగ్ రెయిన్' అని పిలువబడే శని గ్రహం రింగ్‌ల వద్ద ఎటువంటి రహస్యమైన వర్షం చిప్పింగ్ కూడా లేదు. రింగ్ నుండి తన వైపు పడి ఆవిరైపోతున్న 'రింగ్ మ్యాటర్'ని శని స్వయంగా ఆకర్షిస్తుందని స్పేస్ సైంటిస్ట్‌లు అంచనా వేస్తున్నారు. మరో మాటలో చెప్పాలంటే, శని తన వలయాలను తానే తినేస్తోంది!
ఈ విధ్వంసక ప్రక్రియను ఖగోళ శాస్త్రవేత్తలు ది అట్లాంటిక్‌కు వెల్లడించారు. ప్రతి సెకనుకు 10 టన్నుల రింగ్ మ్యాటర్ శనిలోకి పడిపోతుందని అంచన వేవారు. నాసా చేప‌ట్టిన కాస్సిని మిషన్ శనిగ్రహాన్ని విస్తృతంగా అధ్యయనం చేస్తోంది. అందులో మ‌రిన్ని విష‌యాలు తెలిసాయి. అయితే, మన జీవితకాలంలో శని తన గొప్పతనాన్ని కోల్పోయే అవకాశం లేదని అంటున్నారు శాస్త్రవేత్తలు. దీని ప్రస్తుత క్షీణత రేటు ప్రకారం, రింగ్ కోర్ 100 మిలియన్ సంవత్సరాలలో అదృశ్యమవుతుందని, 300 మిలియన్ సంవత్సరాలలో వలయాలు పూర్తిగా అదృశ్యమవుతాయని అంచనా వేస్తున్నారు.
