RRR : ‘ఆర్ఆర్ఆర్’ యాక్షన్ సీన్స్‌కు కన్నీళ్లు ఆగలేదు : రాజమౌళి ఫాదర్
దిశ, సినిమా : ఇండియా వైడ్‌గా సినీ ప్రేక్షకులు వేయి కళ్లతో ఎదురుచూస్తున్న చిత్రం ‘ఆర్ఆర్ఆర్’. భారీ బడ్జెట్, స్టార్ కాస్టింగ్, కొత్త స్టోరీ పాయింట్‌తో డైరెక్టర్ రాజమౌళి (SS Rajamouli) సినిమాను తెరకెక్కిస్తుండగా.. ఈ మెగా ప్రాజెక్ట్‌కు సంబంధించిన లేటెస్ట్ అప్‌డేట్ ఒకటి ఫ్యాన్స్‌ ఎగ్జైట్‌మెంట్‌ను తారాస్థాయికి తీసుకెళ్లింది. ఈ సినిమాకు కథ అందించిన సీనియర్ రైటర్, రాజమౌళి ఫాదర్ విజయేంద్ర ప్రసాద్.. మూవీలోని యాక్షన్ సీన్స్‌ గురించి ఇంట్రెస్టింగ్ న్యూస్ షేర్ చేశారు. ‘ఆర్ఆర్ఆర్’లో జూనియర్ ఎన్టీఆర్ (Jr. NT..R ), రామ్ చరణ్‌ల (Ram charan)పోరాట సన్నివేశాలు చూసినపుడు కన్నీళ్లు ఆగలేదని తాజా వీడియోలో వెల్లడించారు. అంతేకాదు ప్రతీ యాక్షన్ సీన్‌లో పెయిన్ ఫీల్ అవుతారని ఫ్యాన్స్‌కు హామీ ఇచ్చిన ఆయన.. ఆడియన్స్‌కు సరికొత్త అనుభూతిని అందిస్తుందని తెలిపారు. ఇక ఎన్టీఆర్ సైతం ‘ఆర్ఆర్ఆర్’లోని ప్రతీ యాక్షన్ సీన్ ప్రేక్షకులు ‘వావ్’ అనేలా డిజైన్ చేశారని తన రీసెంట్ ఇంటర్య్యూలో చెప్పిన సంగతి తెలిసిందే.
కాగా.. అజయ్ దేవ్‌గన్, ఆలియా భట్, ఒలివియా మోరిస్ లీడ్ రోల్స్ పోషిస్తున్న ఈ సినిమా షూటింగ్ పాండమిక్ కారణంగా వాయిదా పడుతుండగా.. అక్టోబర్ 13న మల్టిపుల్ లాంగ్వేజెస్‌లో రిలీజ్ చేసేందుకు మేకర్స్ ప్లాన్ చేస్తున్నారు. కీరవాణి సంగీతం అందిస్తున్న సినిమాకు సినిమాటోగ్రఫర్‌గా కె.కె. సెంథిల్ కుమార్, ఎడిటర్‌గా శ్రీకర్ ప్రసాద్ పనిచేస్తున్నారు.
