‘వకీల్ సాబ్’ క్లైమాక్స్ లీక్.. సోషల్ మీడియాలో చక్కర్లు
దిశ, వెబ్‌డెస్క్ : పవర్‌స్టార్ పవన్ కళ్యాణ్ కమ్ బ్యాక్ మూవీ ‘వకీల్ సాబ్’ కోసం అభిమానులు ఎప్పటినుంచో వెయిట్ చేస్తున్నారు. ఈ మధ్యే షూటింగ్ పూర్తి కాగా.. సంక్రాంతికి టీజర్ రిలీజ్ చేసే ప్లాన్‌లో ఉంది మూవీ యూనిట్. ఇప్పటికే సెట్స్ నుంచి విడుదలైన పవన్ ఫొటోస్ అభిమానుల్లో సినిమాపై అంచనాలను పెంచేశాయి. ఈ మూవీలో క్లైమాక్స్ యాక్షన్ సీన్‌‌కు సంబంధించిన ఆ ఫొటోస్ ప్రస్తుతం సోషల్ మీడియాలో చక్కర్లు కొడుతున్నాయి. నటుడు దేవ్ గిల్ వకీల్‌సాబ్‌లో కీలక పాత్రలో కనిపించబోతుండగా.. తన సోషల్ మీడియా హ్యాండిల్‌లో ఈ ఫొటోలు పోస్ట్ చేశాడు. అయితే కావాలనే ఫొటోలు షేర్ చేశాడా? లేదా తన ఎకౌంట్ హ్యాక్ అయిందా? అనే విషయం తెలియాల్సి ఉంది.
‘వకీల్ సాబ్’లో పవర్‌ఫుల్ లాయర్ పాత్రలో కనిపించబోతున్న పవన్.. టోటల్‌గా త్రీ గెటప్స్‌లో కనిపించనున్నాడని టాక్. కాగా ఈ చిత్రంలో అంజలి, నివేదా థామస్, అనన్య ప్రధానపాత్రల్లో కనిపించబోతున్నారు. శ్రుతిహాసన్ హీరోయిన్‌గా నటిస్తున్న ఈ సినిమా సమ్మర్‌లో రిలీజ్ కానుంది.
