జమ్మూకశ్మీరులో ఇద్దరు ఉగ్రవాదులు హతం

దిశ, వెబ్ డెస్క్: జమ్మూకశ్మీరులో షోపియాన్ జిల్లా చాకుర ప్రాంతంలో ఇద్దరు ఉగ్రవాదులు హతమయ్యారు. బుధవారం ఉదయం ఉగ్రవాదులకు, సెక్యూరిటీ బలగాలకు మధ్య ఎదురు కాల్పులు జరిగాయి.

ఈ కాల్పుల్లో ఇద్దరు గుర్తు తెలియని ఉగ్రవాదులు మరణించినట్లు జమ్మూకశ్మీరు పోలీసు అధికారులు వెల్లడించారు. ఉగ్రవాదుల కోసం భద్రతా బలగాలు గాలిస్తుండగా ఉగ్రవాదులు కాల్పులు జరపడంతో మన జవాన్లు ఎదురుకాల్పులు జరిపారు. ఈ కాల్పుల్లో ఇద్దరు ఉగ్రవాదులను అంతమొందించినట్లు పేర్కొన్నారు.