ఎదురుకాల్పుల్లో ఇద్దరు మావోయిస్టులు మృతి..
దిశ, వెబ్‌డెస్క్ : ఛత్తీస్‌గఢ్‌లో మరోసారి నక్సలైట్లు, బలగాల మధ్య ఎదురుకాల్పులు జరిగాయి. కొంటా బ్లాక్‌లోని కన్హాయిగూడ – గోపాండ్‌ జిల్లాలో సుక్మా అటవీ ప్రాంతంలో రెండు వర్గాల మధ్య కాల్పులు చోటుచేసుకున్నాయి.
వివరాల ప్రకారం.. డీఆర్‌జీ, సీఆర్‌పీఎఫ్‌ సిబ్బంది బృందం అటవీ ప్రాంతంలో తనిఖీలు నిర్వహిస్తుండగా.. బలగాలను గమనించిన మావోయిస్టులు వారిపైకి కాల్పులు జరిపారు. ఈ క్రమంలో బలగాలు ఎదురుదాడికి దిగాయి. ఈ కాల్పుల్లో ఇద్దరు మావోయిస్టులు మృతి చెందినట్లు సుక్మా ఎస్పీ సునీల్‌ శర్మ ధ్రువీకరించారు.
మంగళవారం ఉదయం 5 గంటలకు ఈ ఎన్‌కౌంటర్‌ ప్రారంభం కాగా.. ఆ తర్వాత సెర్చ్‌ ఆపరేషన్‌ ప్రారంభించారు. ఈ క్రమంలో ఆయుధాలు, పేలుడు పదార్థాలు స్వాధీనం చేసుకున్నట్లు పోలీసులు పేర్కొన్నారు.
Advertisement
Next Story
