నేడు జాతీయ పత్రికా దినోత్సవం.. జర్నలిస్టులకు సన్మానం
దిశ, నెక్కొండ : వరంగల్ జిల్లా నెక్కొండ మండలంలో జాతీయ పత్రికా దినోత్సవాన్ని పురస్కరించుకొని ఆర్ అండ్ బీ అతిథి గృహంలో కాంగ్రెస్ పార్టీ ఆధ్వర్యంలో జర్నలిస్టులకు సన్మాన కార్యక్రమం నిర్వహించారు. టీపీసీసీ సభ్యులు సొంటిరెడ్డి రంజిత్ రెడ్డి, కాంగ్రెస్ పార్టీ మండల అధ్యక్షుడు బక్కి అశోక్ అధ్యక్షతన జర్నలిస్టులను శాలువాలతో సన్మానించి మిఠాయిలు అందించారు.
ఈ సందర్భంగా సొంటిరెడ్డి రంజిత్ రెడ్డి మాట్లాడుతూ.. సమాజంలో అన్ని వర్గాల ప్రజలకు, ప్రభుత్వాలకు మధ్య వారధిగా జర్నలిస్టులు అందించే సేవలు గొప్పవి అని కొనియాడారు. ప్రజలకు అన్ని వేళలా అందుబాటులో ఉండి పని చేస్తున్న జర్నలిస్టుల సమస్యలను పరిష్కరించి వారికి ప్రభుత్వం అండగా ఉండాలని ఆయన డిమాండ్ చేశారు. ఈ కార్యక్రమంలో జర్నలిస్టులు బీవీఎన్ శాస్త్రి, గిరగాని శ్రీనివాస్, దేసు లక్ష్మణ్, మోదుగుల రాంప్రసాద్, మునిగే ప్రభాకర్, దాసరి శ్రీనివాస్, రాజశేఖర్, సాయికుమార్, రాజ్ కుమార్, పూర్ణ చందర్, మహేష్, రమేష్, రాజు, కాంగ్రెస్ పార్టీ నాయకులు, తదితరులు పాల్గొన్నారు.
