లోన్ కోసం చనిపోయిన వృద్దుడితో బ్యాంకుకు మహిళ!.. ఎలా దొరికిపోయిందో తెలుసా?(వీడియో)

దిశ, డైనమిక్ బ్యూరో: చనిపోయిన వృద్దుడిని బ్రతికే ఉన్నాడని చెబుతూ.. ఓ మహిళ బ్యాంకు లోనుకు యత్నించి అడ్డంగా దొరికిపోయిన ఘటన బ్రెజిల్ లో జరిగింది. బ్రెజిల్ లోని రియో డి జనీరోలో ఓ మహిళ వీల్ చైర్ లో ఉన్న ఓ వృద్దుడితో బ్యాంకులోకి ప్రవేశించింది. ఆయన తన బందువు పాలో రాబర్టో బ్రాగా అని, తనకు లోన్ ఇవ్వాలంటూ బ్యాంకు అధికారులను అడిగింది. వీల్ చైర్ లో పడిపోయి ఉన్న ఆ వృద్దుడిని చూసిన బ్యాంకు అధికారులు అనుమానంతో లోన్ కోసం అతనితో సంతకం చేయించాలని ఆ మహిళకు సూచించారు. దీంతో ఆ మహిళ వృద్దుడి తల పట్టుకొని పైకి లేపుతూ.. సంతకం చేయాలని ఆ వృద్దుడి వేళ్ల మధ్యలో పెన్ను పెట్టే ప్రయత్నం చేయడం అధికారులు గుర్తించారు.

ఇది అనైతికంగా కనిపిస్తుందని ఆ మహిళతో అనగా.. తప్పును సరిదిద్దేందుకు ప్రయత్నిస్తూ.. ఆ వృద్దుడితో మీకు ఆరోగ్యం బాగాలేకపోతే నేను హస్పిటల్ కు తీసుకెళ్లగలను, మళ్లీ హస్పిటల్ కు వెళ్లాలని ఉందా? అంటూ సంతకం పెట్టించే ప్రయత్నం చేసింది. బ్యాంకు అధికారులు పోలీసులకు సమాచారం ఇవ్వగా.. వారు వచ్చి ఆ మహిళను విచారించి ఆ వృద్దుడు కొన్ని గంటల క్రితమే చనిపోయాడని బయటపెట్టారు. దీనికి సంబందించిన వీడియో నెట్టింట వైరల్ గా మారింది. చనిపోయిన వ్యక్తికి లోన్ ఇప్పించి బ్యాంకు అధికారులను బురిడి కొట్టించాలని చూసిన మహిళను పోలీసులు అరెస్ట్ చేశారు. ఆ మహిళ ఎరికా డిసౌజా అని, చనిపోయిన వృద్దుడు తన మేనమామ అని, తన సంరక్షణలోనే ఉంటున్నారని పోలీసుల విచారణలో తేలింది.

🔥🚨BREAKING GRAPHIC: This woman wheeled a dead man into the bank and tried to get him to 'sign off' a loan in her name while holding his head up.

Footage showed the woman telling the dead man to grip hold of his pen hard as she placed it between his fingers and encouraged him… pic.twitter.com/72jo6JrwBC

— Dom Lucre | Breaker of Narratives (@dom_lucre) April 17, 2024