13 లక్షలు దాటిన కరోనా కేసులు

దిశ, వెబ్ డెస్క్: రోజురోజుకు కరోనా కేసుల సంఖ్య భారీగా పెరుగుతూ వస్తోంది. దాని కోరలకు చిక్కి ప్రజలు అల్లాడిపోతున్నారు. గత పది రోజుల నుంచి కరోనా కేసులు భారీ సంఖ్యలో పెరుగుతున్నాయి. వందల సంఖ్యలో ప్రజలు ప్రాణాలు కోల్పోతున్నారు. తాజాగా గడిచిన 24 గంటల్లో 48,916 కొత్త కేసులు నమోదయ్యాయి. 757 మంది మృతి చెందారు.

దీంతో ఇప్పటివరకు దేశవ్యాప్తంగా కరోనా కేసుల సంఖ్య 13 లక్షల 13,861 కు చేరుకుంది. ఇందులో 8 లక్షల 49,431 మంది బాధితులు కరోనా నుంచి పూర్తిగా కోలుకుని ఆస్పత్రుల నుంచి డిశ్చార్జ్ అయ్యారు. 4 లక్షల 56,071 మంది బాధితులు ఆస్పత్రులలో చికిత్స పొందుతున్నారు. అదేవిధంగా దేశవ్యాప్తంగా ఇప్పటివరకు 31,358 మంది బాధితులు కరోనాతో మృతిచెందారు.