వేర్వేరు ఘటనల్లో యువతి, గృహిణి అదృశ్యం

దిశ, కుత్బుల్లాపూర్ : ఉద్యోగం చేస్తానని వచ్చిన యువతి అదృశ్యమైన సంఘటన పేట్ బషీరాబాద్ పోలీస్ స్టేషన్ పరిధిలో చోటు చేసుకుంది. ఎస్సై రాంబాబు తెలిపిన వివరాల ప్రకారం… ఆంధ్రప్రదేశ్‌లోని తూర్పుగోదావరి జిల్లా కోరుకొండ గ్రామానికి చెందిన చింతపల్లి శారద(25) ఉద్యోగం వెతుక్కుంటూ నగర శివారు కొంపల్లికి వచ్చింది. శ్రీనివాస్ నగర్ కాలనీ లో చిన్నమ్మ వద్ద ఉంటూ ఉద్యోగం కోసం ప్రయత్నం చేస్తోంది. ఈ క్రమంలో ఈనెల 4వ తేదీన ఇంట్లో చెప్పకుండా బయటకు వెళ్లి తిరిగిరాలేదు. బంధువులు, సొంతూరులో వెతికినా ప్రయోజనం లేదు. తండ్రి శేఖర్ ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.

గృహిణి అదృశ్యం

దిశ, కుత్బుల్లాపూర్ : గృహిణి అదృశ్యమైన సంఘటన పేట్ బషీరాబాద్ పోలీస్ స్టేషన్ పరిధిలో వెలుగులోకి వచ్చింది. ఎస్సై రాంబాబు తెలిసిన వివరాల ప్రకారం…. గుంటూరు జిల్లా కు చెందిన రాంబాబు, నిధ(25) దంపతులు. కొన్ని సంవత్సరాల క్రితం గుండ్ల పోచంపల్లి కి వలస వచ్చారు. భార్యభర్తలిద్దరూ ఉద్యోగం చేస్తూ ఉపాధి పొందుతున్నారు. అయితే ఈనెల 8వ తేదీన భర్తకు చెప్పకుండా నిధ ఇంట్లోంచి వెళ్ళిపోయింది. ఎక్కడ వెతికినా ప్రయోజనం లేకపోవడంతో పోలీసులను ఆశ్రయించారు. కేసు నమోదు చేసుకున్న పోలీసులు దర్యాప్తు చేస్తున్నారు.