ఆ సీన్లపై హీరోయిన్ చేసిన వ్యాఖ్యలు నిజం కాదన్న నటుడు

దిశ, వెబ్‌డెస్క్: ‘ఝుమ్మంది నాదం’ చిత్రంతో తెలుగు తెరకు పరిచయమైన భామ తాప్సీ పన్ను. టాలీవుడ్‌లో కొన్ని సినిమాలతోనే అగ్రతార జాబితాలో చేరిన ఈ భామ, ప్రస్తుతం బాలీవుడ్‌లో నటిస్తోంది. ఇటీవల విడుదలై నెట్‌ఫ్లిక్స్‌లో స్ట్రీమ్ అవుతున్న ‘హసీన్ దిల్‌రూబా’ పాజిటివ్ టాక్ ను సంపాందించుకుంది. అయితే ఈ సినిమా ప్రమోషన్‌లో భాగంగా తాప్సీ తన సహానటులు హర్షవర్థన్ రాణే, విక్రాంత్ మాసే లపై చేసిన వ్యాఖ్యలు వైరల్ అయ్యాయి.

రొమాంటిక్ సీన్లలో నటించేందుకు విక్రాంత్, హర్షవర్థన్ లు భయపడ్డారని, వాళ్లు అలా ఎందుకు భయపడ్డారో తెలియదని, ఈ విషయాన్ని పలుసార్లు దర్శకుడి దృష్టికి తీసుకెళ్లినట్లు చెప్పింది. ఈ విషయంపై క్లారీటి ఇచ్చిన విక్రాంత్.. తాప్సీ చాలా సరదాతో కూడిన అల్లరి చేస్తుందని, 5 నిమిషాలు కూడా మాట్లాడకుండా ఉండలేదని, ఆమె సరదాగా మాట్లాడినా మాటలు మీడియాలో వక్రీకరిస్తూ రాయడం సబబు కాదన్నారు. ఈ రకంగా కూడా మా సినిమాకు ప్రచారం జరిగిందని ఓ ఇంటర్వూలో చెప్పుకొచ్చారు.