వావ్.. ఇలా డ్రాయింగ్ వేయడం ఎప్పుడైనా చూశారా..? (వీడియో)

దిశ, వెబ్‌డెస్క్: టాలెంట్ ఎవరి సొత్తు కాదన్నట్టు చాలామంది ఇటీవల సోషల్ మీడియా వేదికగా నిరూపిస్తున్నారు. ఇలాంటి వీడియోలను మనం నిత్యం వార్తల్లో చూస్తూనే ఉన్నాం. అయితే, కొంత మందికి ఎడమ చేత్తో రాయడం అలవాటు ఉంటుంది. కానీ, వెనుకకు తిరిగి రెండు చేతులతో ఒకేసారి తల తిప్పకుండా అద్భుతమైన డ్రాయింగ్ వేయడం ఎప్పుడైనా చూశారా? కనీసం విన్నారా? కానీ, ఓ వ్యక్తి చేసి చూపించాడు.

దానికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఒక వ్యక్తి తన వీపును బోర్డుకి ఆనుకుని కుర్చీ వైపు తిరిగి అద్భుతంగా రెండు చేతులతో శివాజీ, అతని ప్రత్యర్థి చిత్రాన్ని గీశాడు. సోషల్ మీడియాలో ఈ వీడియోను చూసిన నెటిజన్లు అతని టాలెంట్‌కు ఫిదా అయిపోతున్నారు. అతన్ని ప్రశంసలతో ముంచెత్తుతున్నారు.