ప్రయోగాలు చేయకపోతే ఎప్పటికీ ఎదగలేం.. వాణీ కపూర్
దిశ, సినిమా: బీ టౌన్ యాక్ట్రెస్ వాణీ కపూర్ నటించిన తాజా చిత్రం 'షంషేరా'. ఈ మూవీ జూలై 22న ప్రేక్షకుల ముందుకు వచ్చిన సందర్భంగా మీడియాతో మాట్లాడుతూ వాణి ఎగ్జయిట్ అయింది. ఈ మేరకు మూవీలో తన క్యారెక్టర్‌ 'సోనా'పై ప్రశంసలు కురిపిస్తూ కెరీర్‌లో ఓ మైలు రాయిగా నిలిచిపోతుందని చెప్పింది. అంతేకాదు 'అత్యుత్తమ హిందీ సినిమా హీరోయిన్' అని తనను తాను పిలుచుకోవడం విశేషం. కాగా పెద్ద సినిమాలతో పోటీలేకుండా ఖాళీ సమయంలో రిలీజైన 'షంషేరా'.. భావోద్వేగాలతో నిండిన సన్నివేశాలతో ప్రేక్షకులను ఆకర్షించిందని, నటిగా ప్రూవ్ చేసుకునేందుకు చక్కటి అవకాశం దొరికినందుకు ఆనందంగా ఉందని తెలిపింది.
ఇక బాక్సఫీస్ ఒత్తిడి గురించి కూడా మాట్లాడిన నటి.. ప్రజలు కొన్ని సబ్జెక్ట్‌లతో ప్రయోగాలు చేయడానికి భయపడతారని, దీంతో ఒత్తిడికి లోనవుతూ సులువైన మార్గా్న్ని కష్టతరంగా మార్చుకుంటారని చెప్పింది. కానీ డేర్ చేసి ముందడుగు వేసినప్పుడే సక్సెస్ సాధించగలమని అభిప్రాయపడింది వాణి.
