మహిళలకు ఆర్టీసీ బంఫర్ ఆఫర్.. ఆ టికెట్‌తో హైదరాబాద్ అంతా తిరిగేయోచ్చు..!
దిశ, వెబ్‌డెస్క్: సజ్జనార్ ఆర్టీసీ ఎండీగా బాధ్యతలు స్వీకరించిన దగ్గరి నుండి.. నష్టాల్లో కొనసాగుతున్న ఆర్టీసీని గట్టెక్కించేందుకు తీవ్ర ప్రయత్నాలు చేస్తోన్న సంగతి తెలిసిందే. ఇందులో భాగంగానే.. ప్రజలకు ఆర్టీసీపై నమ్మకం కలిగించడానికి, ప్రయాణికుల సంఖ్యను పెంచడానికి.. ప్యాసింజర్లను ఆకర్షించేందుకు కొత్త కొత్త ఆఫర్లను ప్రవేశ పెడుతూ ఆర్టీసీ అభివృద్ధిలో తన మార్క్ చూపిస్తున్నారు. అయితే, మార్చి 8న అంతర్జాతీయ మహిళ దినోత్సవం సందర్భంగా.. ఆర్టీసీ మహిళలకు బంపర్ ఆఫర్ ప్రకటించింది. రూ. 100 గల ట్రావెల్ యూజ్ యూ లైక్ టికెట్‌కు 20% శాతం డిస్కౌంట్ ఇచ్చారు. దీనితో ట్రావెల్ యూజ్ యూ లైక్ టికెట్‌ రూ. 80కే లభ్యం కానుంది. ఈ టికెట్‌తో మహిళలు హైదరాబాద్ జంట నగరాల్లో 24 గంటలు ప్రయాణం చెయ్యొచ్చని తెలిపారు. ఈ ఆఫర్ మార్చి 8 నుండి 14వరకు ఉంటుందని ఎండీ సజ్జనార్ ట్విట్టర్ ద్వారా వెల్లడించారు. అయితే, సజ్జనార్ ట్వీట్‌ను చూసి కొందరు.. అంతర్జాతీయ పురుషుల దినోత్సవం నాడు.. పురుషులకు కూడా ఈ ఆఫర్‌ను ఇవ్వాలని రీట్వీట్స్ చేస్తున్నారు.
