రికార్డులు బద్దలు కొట్టిన 'ఆర్ఆర్ఆర్'

దిశ, వెబ్‌డెస్క్: ప్రస్తుతం ప్రపంచ వ్యాప్తంగా 'ఆర్ఆర్ఆర్' రోర్ వినిపిస్తోంది. ప్రతి ఒక్కరూ ఈ సినిమా బిగ్ స్క్రీన్‌పై చూడాలని ప్రయత్నిస్తున్నారు. అయితే ఈ సినిమా విడుదలైన మొదటి రోజే రికార్డులు తిరగరాసింది. ఇప్పటి వరకు అత్యధిక రేటింగ్ అందుకున్న సినిమాల్లో టాప్ ప్లేస్ అందుకుంది. ఇప్పటి వరకు 8.2తో 'బాహుబలి' టాప్‌లో ఉండగా గతేడాది ఐకాన్ స్టార్ అల్లు అర్జున్ 'పుష్ప 1' 8.4 రేటింగ్‌తో ఆ రికార్డును తిరగరాసింది. అయితే తాజాగా 'ఆర్ఆర్ఆర్' ఈ రికార్డులన్నింటినీ బద్దలు కొట్టింది. ఐఎండీబీలో టాప్ ప్లేస్‌లో నిలిచింది. మొదటి రోజు 9.2 రేటింగ్‌తో సంచలనం సృష్టిస్తోంది.

పుష్ప రేటింగ్‌కు అలవోకగా అధిగమించేసింది. ఇదంతా శాంపిల్ మాత్రమే అని మునుముందు రేటింగ్ 9.7కు చేరినా ఆశ్చర్య పోవద్దంటూ అభిమానులు ధీమా వ్యక్తం చేస్తున్నారు. ఈ సినిమాకు 10/10 ఇచ్చినా తక్కువే అంటూ అభిమానులు నెట్టింట హల్‌చల్ చేస్తున్నారు. అయితే ఇప్పటివరకు ఐఎండీబీలో అత్యధిక రేటింగ్ అందుకున్న సినిమాగా 'ఆర్ఆర్ఆర్' రికార్డు చేసింది. మరి ఈ రేటింగ్ ఇలానే ఉంటుందా లేదా ఏమవుతుందో తెలియాలంటే మరికొన్ని రోజులు చూడాల్సిందే.