హీరోయిన్ కోసం కొట్టుకున్న మాజీ ప్రియులు.. నడిరోడ్డుపై పిడిగుద్దుల వర్షం
దిశ, సినిమా: బాలీవుడ్ నటి దీపికా పదుకొనే.. రణ్‌వీర్ సింగ్‌తో పెళ్లికి ముందు నిహార్ పాండ్యా, రణబీర్ కపూర్‌లను ప్రేమించిన సంగతి తెలిసిందే. అయితే దీపిక కోసం నిహార్-రణ్బీర్ నడిరోడ్డుపై గొడవ పెట్టుకోగా.. నిహార్‌పై రణ్బీర్ పిడిగుద్దుల వర్షం కురిపించినట్లు తెలుస్తోంది. అసలు విషయానికొస్తే.. ఓ సినిమా షూటింగ్‌ కోసం రణ్బీర్ ఊటీకి వెళ్లినప్పుడు దీపిక నిహార్‌తో లంచ్‌డేట్‌కి వెళ్లిందని, దాదాపు రెండు గంటల పాటు వీరి డేట్‌ జరిగిందనే విషయం రణ్‌బీర్‌కు తెలిసిందట. దీంతో వారిద్దరిని పట్టుకునేందుకు ప్లాన్ వేసిన ఆయన ఓ రోజు కలిసి వెళ్తున్నప్పుడు గొడవ చేశాడని సమాచారం. ఈ క్రమంలో నిహార్‌ను రణ్బీర్ చితక బాదాడని ఈ సంఘటనను సన్నిహితులు ఇటీవల బయటపెట్టారు. ఇక ఈ ఇష్యూ తర్వాత కత్రినతో డేటింగ్ చేసిన రణ్‌బీర్‌ను రెడ్‌ హ్యాండెడ్‌గా పట్టుకుని దీపిక రివేంజ్ తీసుకుందని తెలుస్తోంది. ఫైనల్‌గా దీపిక రణ్‌వీర్ సింగ్‌ను, నిహార్ పాండ్యా సింగర్‌ నీతి మోహన్‌ను ప్రేమించి పెళ్లి చేసుకోగా.. రణ్బీర్ ఇంకా అలియాభట్‌తో డేటింగ్ చేస్తున్నాడు.
