ఏ రాగమో రమ్మని పిలుస్తోంది.. 'పంచతంత్రం' నుంచి లిరికల్ సాంగ్ రిలీజ్

దిశ, సినిమా: రాహుల్‌ విజయ్‌, నరేష్ అగస్త్య, శివాత్మిక రాజశేఖర్, స్వాతి రెడ్డి ప్రధాన పాత్రలో తెరకెక్కుతున్న చిత్రం 'పంచతంత్రం'. ఈ మూవీనుంచి ఇప్పటికే విడుదలైన ప్రచార చిత్రాలు, ఫ‌స్ట్ గ్లింప్స్‌కు మంచి ఆదరణ లభించగా తాజాగా లిరికల్ సాంగ్ రిలీజ్ చేశారు మేకర్స్. 'ఏ.. రాగమో.. నన్నే.. రమ్మని పిలుస్తున్నదే. ఏ వేగమో.. గతాన్నే స్వాగతించే పదంలో' అంటూ సాగే ఈ గీతం అభిమానులను అమితంగా ఆకట్టుకుంటోంది. ఈ పాట రిలీజ్ సందర్భంగా చిత్ర బృందం మాట్లాడుతూ.. 'సినిమా నుంచి విడుదలైన అన్నింటికీ ఫెంటాస్టిక్ రెస్పాన్స్ వచ్చింది. ఈ పాట కూడా అభిమానులను అలరిస్తుందని ఆశిస్తున్నాం. లెజెండరీ హాస్య నటుడు బ్రహ్మానందం గారు మా సినిమాలో వేదవ్యాస్‌గా నటిస్తుండటం మా అదృష్టంగా భావిస్తున్నాం. వీలైనంత తొందరగానే సినిమాను ప్రేక్షకుల ముందుకు తీసుకొస్తాం' అన్నారు. టికెట్‌ ఫ్యాక్టరీ, ఎస్‌ ఒరిజినల్స్‌ బ్యానర్స్‌లో అఖిలేష్‌ వర్ధన్‌, సృజన్‌ ఎరబోలు సంయుక్తంగా నిర్మిస్తున్న చిత్రానికి హర్ష పులిపాక దర్శకుడిగా పరిచయం అవుతున్నారు.