కిరాణం దుకాణంలో ఘోర అగ్నిప్రమాదం..

దిశ, జగిత్యాల టౌన్ : రాయికల్ పట్టణంలోని రెండవ వార్డు యందు క్లబ్ రోడ్డులో ఉండే కొండ బాలయ్య కిరాణా షాపు పూర్తిగా మంటల్లో పడి దహనమైంది. తెల్లవారు జామున మంటల్లో కాలుతున్న కిరాణం షాపును.. సమీపంలో నివాసం ఉంటున్న బాలయ్య వెళ్లి మంటలు ఆర్పాలని చూసిన ఫలితం లేకుండా పోయింది. రాత్రి సంఘటన స్థలానికి చేరుకుని పోలీసులు పరిశీలించినట్లు సమాచారం.

కాగ, గుర్తుతెలియని దుండగులు ఉద్దేశపూర్వకంగానే షాపును కాల్చి వేశారని, బాధితులు బాలయ్య తెలుపుతున్నారు. ఇప్పటికే అనేక కష్టాల్లో పిల్లలకు ఆరోగ్యం బాగాలేక ఆస్పత్రుల చుట్టూ తిరుగుతున్న బాలయ్య కుటుంబానికి ఈ అగ్ని ప్రమాదం వలన కోలుకోలేని నష్టమే జరిగింది అని చెప్పవచ్చు. దాదాపు నాలుగు లక్షలకు పైగా సామాను అగ్నికి ఆహుతి అయినదని బాధితులు కన్నీరు మున్నీరుగా విలపిస్తున్నారు. సంబంధిత అధికారులు తక్షణ సహాయం కింద ఈ కుటుంబానికి చేయుత ఇవ్వాలని కాలనీ వాసులు విజ్ఞప్తి చేస్తున్నారు.