మరో లవ్ ట్రాక్ మొదలెట్టిన సిద్ధు.. ఆ హీరోయిన్ ఇంట్లోనే తిష్ట

దిశ, సినిమా: హీరో సిద్ధార్థ్ ఇప్పటికే సోహా అలీ ఖాన్, సమంత, శ్రుతి హాసన్.. లాంటి హీరోయిన్లతో లవ్ ట్రాక్ నడిపిన సంగతి తెలిసిందే. అయితే తాజాగా మరో ట్రాక్‌కు గ్రీన్ సిగ్నల్ ఇచ్చినట్లు తెలుస్తోంది. 'మహాసముద్రం' సినిమాలో అదితి రావు హైదరీతో కలిసి నటించిన సిద్ధార్థ్.. ప్రస్తుతం ఆమెతో డేటింగ్‌లో ఉన్నట్లు సమాచారం. పైగా ఈ బొమ్మరిల్లు హీరో అదితి ఇంటి ముందు ప్రత్యక్షం కావడం, మీడియా కంట చిక్కడం చూస్తుంటే నిజమేనని అనిపిస్తుందంటున్నారు నెటిజన్స్.

కాగా అదితి ఇంతకు ముందే బాలీవుడ్ నటుడు దీపక్ మిశ్రాను పెళ్లి చేసుకుని ఐదేళ్ల తర్వాత విడిపోగా.. ప్రస్తుతం సిద్ధుతో రిలేషన్‌లో ఉన్నట్లు వార్తలు చక్కర్లు కొడుతున్నాయి. మరి ఇంత వరకు ఏ ఒక్కరినీ పెళ్లి పీటలదాకా తీసుకురాని సిద్ధార్థ్.. కనీసం ఈ రాజ్‌పుత్ యువరాణిని అయినా పెళ్లి చేసుకుంటాడా లేదా చూడాలి.