'ఆదిపురుష్' విడుదలకు ముహూర్తం ఫిక్స్.. ఫ్యాన్స్ ఫుల్ ఖుష్

దిశ, సినిమా: పాన్ ఇండియా స్టార్ ప్రభాస్ నటిస్తున్న తదుపరి చిత్రం 'ఆదిపురుష్'. రామాయణం ఆధారంగా తెరకెక్కిస్తున్న ఈ చిత్రం నుంచి బిగ్ అప్‌డేట్ ఇచ్చారు మేకర్స్. పాన్ ఇండియా లెవల్‌లో వస్తున్న ఈ మూవీ ఫస్ట్‌లుక్ ఏప్రిల్ 10న శ్రీరామ‌ నవమి సందర్భంగా రిలీజ్ చేస్తున్నట్లు అధికారికంగా ప్రకటించారు. ఈ మేరకు సోషల్ మీడియాలో ఈ న్యూస్ ప్రచారం అవుతుండగా ప్రభాస్ ఫ్యాన్స్ ఫుల్‌ఖుష్ అవుతున్నారు. ఇక బాలీవుడ్ డైరెక్టర్ ఓం రౌత్ దర్శకత్వం వహిస్తున్న చిత్రంలో ప్రభాస్ రాముడిగా, కృతి సనన్ సీతగా, సైఫ్ అలీఖాన్ రావణాసురుడి పాత్రల్లో కనిపించనుండగా.. టి-సిరీస్ ఫిల్మ్స్ సమర్పణలో గుల్షన్ కుమార్, భూషణ్ కుమార్ నిర్మిస్తున్నారు. ఈ సినిమాను 2023 జనవరి 12న రిలీజ్ చేయనున్నట్లు చిత్ర బృందం ఇప్పటికే ప్రకటించిన విషయం తెలిసిందే.

#Adipurush #Prabhas #OmRaut pic.twitter.com/A3bZRXs7rf

— Aakashavaani (@TheAakashavaani) March 28, 2022