Abhishek Bachchan: పాన్ ఇండియా సినిమాపై అభిషేక్ ఇంట్రెస్టింగ్ కామెంట్స్.. నమ్మకం లేదంటూ
Abhishek Bachchan
దిశ, సినిమా: బాలీవుడ్ హీరో అభిషేక్ బచ్చన్‌ పాన్ ఇండియా సినిమాలపై ఆసక్తికర వ్యాఖ్యలు చేశాడు. ఆయన నటించిన 'దస్వీ' చిత్రం ఇటీవల విడుదలై హిట్ టాక్ సొంతం చేసుకోగా వరుస మీడియా సమావేశాల్లో పాల్గొంటున్నాడు అభిషేక్. ఈ క్రమంలోనే తాజా ఇంటర్వ్యూలో పాన్ ఇండియా, బాలీవుడ్ చిత్రాల పై తన అభిప్రాయాన్ని పంచుకున్నాడు. ఈ మేరకు 'పాన్ ఇండియా అనే పదంపై నాకు నమ్మకం లేదు. బాలీవుడ్ సినిమాల్లో కంటెంట్‌ లేదన్న వాదన కూడా సరైనది కాదు. ఇటీవల వచ్చిన 'గంగుబాయి కతియావాడి', 'సూర్యవంశీ' మంచి హిట్ సాధించాయి. అలాగే మన దగ్గర సినీ ప్రియులు ఎక్కువమంది ఉన్నారు. అందుకే రీమేక్ అనేది ఎప్పుడూ జరుగుతూనే ఉంటుంది. సినిమాకు భాషతో పని లేదు. 'కేజీఎఫ్‌2', 'పుష్ప', 'ఆర్ఆర్ఆర్' చిత్రాలు హిందీలో కూడా మంచి వసూళ్లు రాబట్టాయి. మంచి సినిమా ఎక్కడైనా హిట్ అవుతుంది' అని చెప్పుకొచ్చాడు. ఇక చివరగా ప్రతి నటుడు భారతీయ చలనచిత్ర పరిశ్రమలో భాగమేనని, అందరూ ఒకే కుటుంబానికి చెందిన వాళ్లమని చెప్పడం విశేషం.
