యాక్టింగ్ పక్కన పెట్టి గొర్రెల కాపరిగా మారిన స్టార్ కిడ్.. జీతం ఎంతంటే?
దిశ, సినిమా: సినీ సెలబ్రిటీల కిడ్స్ సినిమాల్లోకి రావాలని అంతా కోరుకుంటారు. అలాగే కొందరు సినీ ఇండస్ట్రీకి వచ్చి స్టార్స్‌గా మారి హీరోలుగా రాణిస్తున్న వారు ఎంతో మంది ఉన్నారు. అయితే మలయాళం స్టార్ హీరో మోహన్ లాల్(Mohanlal) కొడుకు ప్రణవ్ మాత్రం నటన పక్కన పెట్టి గొర్రెల కాపరిగా మారినట్లు వార్తలు వైరల్ అవుతున్నాయి. చైల్డ్ ఆర్టిస్ట్‌గా ఇండస్ట్రీలో అడుగుపెట్టిన ప్రణవ్(Pranav Mohanlal) అసిస్టెంట్ డైరెక్టర్‌గా కూడా వర్క్ చేశాడు.
అలాగే కొన్ని చిత్రాల్లో హీరోగా నటించి మెప్పించాడు. ఇక నటనకు గ్యాప్ ఇచ్చిన ఆయన స్పెయిన్‌కు వెళ్లి అక్కడే ఓ ఫామ్‌లో చేరి గొర్రెలు కాయడం, గుర్రాలను చూసుకోవడం వంటి పనులు చేస్తున్నాడు. ఇందుకోసం జీతం మాత్రం తీసుకోవడం లేదు. కేవలం భోజనం పెట్టి, ఫామ్‌లోనే షెల్టర్ ఇస్తే చాలని ఫామ్ వారికి చెప్పాడట.
ఈ విషయాన్ని ప్రణవ్ తల్లి ఓ ఇంటర్వ్యూలో భాగంగా వెల్లడించింది. అలాగే తనకు మాత్రం కొడుకు ఏడాదికి రెండు సినిమాలు చేయాలని ఉందని చెప్పింది. కానీ ప్రణవ్(Pranav Mohanlal) ఒక చిత్రాన్ని చేస్తున్నట్లు తెలిపింది. అయితే గొర్రెల(Sheep )ను చూసుకోవడం పరిమినెంట్‌గా కాదు ఏదో కొన్ని డేస్‌కి మాత్రమే. ఇక కోట్ల ఆస్తికి వారసుడైన ప్రణవ్ అలా చేయడంతో ఆయనపై నెటిజన్లు ప్రశంసలు కురిపిస్తున్నారు.
