ఈషా రెబ్బా.. రోమాన్స్ అబ్బా !

దిశ, వెబ్‌డెస్క్: తెలుగందం ఈషా రెబ్బా ‘అంతకు ముందు ఆ తర్వాత’ సినిమాతో సినీరంగ ప్రవేశం చేసింది. ఆ తర్వాత కొన్ని సినిమాలు చేసినా అవకాశాలను అందిపుచ్చుకోవడంలో సక్సెస్ కాలేకపోయింది. అందం, టాలెంట్ ఉన్నా అవకాశాలు దొరకడం లేదు ఈ బ్యూటీకి. ఆ మధ్య జూనియర్ ఎన్టీఆర్ నటించిన ‘అరవింద సమేత.. వీరరాఘవ’లో అవకాశం వచ్చినా.. ఆ పాత్రకు అంతగా ప్రాధాన్యత దక్కలేదు. దీంతో టాలీవుడ్ ఫిల్మ్ మేకర్స్‌ను తన వైపునకు తిప్పుకునేందుకు ఈషా రెబ్బ సంచలన నిర్ణయం తీసుకుంది. ఈ భామ ‘లస్ట్ స్టోరిస్’ తెలుగు రీమేక్‌లో నటిస్తోంది. హిందీలో నలుగురు దర్శకులు ‘లస్ట్ స్టోరీస్’ పేరుతో నెట్ ఫ్లిక్స్ కోసం ఒక వెబ్ సిరీస్ రూపొందించారు. అందులో కియారా అద్వానీ హాట్ సీన్స్ నటించి సంచలనం సృష్టించిన సంగతి తెలిసిందే. ఇక అప్పటినుంచి ఈ భామకు హిందీలో ఆఫర్స్ వెల్లువలా వచ్చాయి. ఈ విషయాన్ని కియారా కూడా ఓ సందర్భంలో చెప్పుకొచ్చింది.

కాగా, ఇప్పుడు తెలుగులో లవ్ స్టోరీస్ పేరుతో అలాంటి ప్రయోగమే చేస్తోంది నెట్ ఫ్లిక్స్ సంస్థ. ఈ సిరీస్‌లో ఒక ఎపిసోడ్‌లో ఇషా రెబ్బా నటిస్తోంది. ఈ ఎపిసోడ్‌ను ఘాజీ దర్శకుడు సంకల్ప్ రెడ్డి డైరక్ట్ చేస్తున్నాడు. ఈ స్టోరీలోనే ఇషా రెచ్చిపోతుందని టాక్. హిందీలో కియారా చేసిన పాత్రనే తెలుగులో ఈషా చేసిందట. అంతేకాదు కొన్ని రొమాంటిక్ సీన్స్‌లో ఈషా అదరగొట్టిందని సమాచారం. మరి ఈ వెబ్ సిరీస్‌తోనైనా ఈ తెలుగు భామకు మంచి గుర్తింపు వస్తుందో లేదో చూడాలి. ఇక ఈ వెబ్ సిరీస్‌లో లవ్‌సీన్స్ జోరు ఎక్కువే ఉంటుందట. అందులో భాగంగా ముద్దులు, హగ్గులు లాంటీ సీన్స్ మోతాదును మించి ఉంటాయని టాక్ వినిపిస్తోంది. షూటింగ్ పూర్తిచేసుకున్న ఈ వెబ్ సిరీస్ ప్రస్తుతం డబ్బింగ్ కార్యక్రమాల్లో ఉందట. తొందరలోనే మొదటి ఎపిసోడ్ నెట్ ఫ్లిక్స్‌లో స్ట్రీమ్ కానుంది.