కాంగ్రెస్ వస్తుంది.. తెలంగాణ గెలుస్తుంది

దిశ, తెలంగాణ బ్యూరో: బీజేపీ దగ్గర శిష్యరికం నేర్చుకున్న డ్రామారావు ఫేక్ ప్రచారాల్లో రాటుదేలిండని కేటీఆర్‌ను ఉద్దేశిస్తూ రేవంత్ రెడ్డి ఫైర్ అయ్యారు. తెలంగాణలో కాంగ్రెస్ సునామీ చూసి.. ఈ సన్నాసికి ఏం చేయాలో అర్థం కాక, ఇప్పుడు కోట్ల రూపాయలు పెట్టి ఫేక్ ప్రచారాలకు దిగిండని ఆగ్రహం వ్యక్తం చేశారు. గతంలో కర్ణాటకలో అధికారంలో ఉన్న బీఆర్ఎస్ మిత్ర పక్ష పార్టీ బీజేపీ, 40% కమీషన్లతో ఆ రాష్ట్రాన్ని పూర్తిగా దివాలా తీయించిందని మండిపడ్డారు.

ఇలాంటి పరిస్థితుల్లో అధికారం చేపట్టిన కాంగ్రెస్ 100 రోజుల్లోపే ఇచ్చిన గ్యారంటీలను అమలు చేసి, రాష్ట్రాన్ని మళ్ళీ అభివృద్ధి వైపు నడిపిస్తున్నదన్నారు. ఇప్పుడు తెలంగాణాలోనూ కాంగ్రెస్ దూసుకెళ్తుంటే, ఇన్ని రోజులు నింపుకున్న జేబులను కేటీఆర్ ఇప్పుడు దులుపుకునే ప్రయత్నం చేస్తున్నాడన్నారు. ఎన్ని కుట్రలు, తప్పుడు ప్రచారాలు చేసినా.. తెలంగాణ ప్రజలు బీజేపీ, బీఆర్ఎస్ దొంగల దుమ్ము దులపడం ఖాయమని రేవంత్ నొక్కి చెప్పారు. ‘‘కాంగ్రెస్ వస్తుంది!తెలంగాణ గెలుస్తుంది!”అని ట్విట్టర్ ద్వారా ఆగ్రహం వ్యక్తం చేశారు.

బీజేపీ దగ్గర శిష్యరికంతో ఈ డ్రామారావు ఫేక్ ప్రచారాల్లో రాటుదేలిండు.

తెలంగాణలో కాంగ్రెస్ సునామి చూసి ఈ సన్నాసికి ఏం చేయాలో అర్థం కాక, ఇప్పుడు కోట్ల రూపాయలు పెట్టి ఫేక్ ప్రచారాలకు దిగిండు.

నిన్న మొన్నటి దాకా కర్ణాటకలో అధికారంలో ఉన్న వీళ్ళ మిత్ర పార్టీ బీజేపీ, 40% కమిషన్లతో… https://t.co/wDUnUlYPlo

— Revanth Reddy (@revanth_anumula) October 21, 2023