TS: అనుమానం అవసరం లేదు.. 70 స్థానాల్లో గెలుస్తున్నాం
దిశ, తెలంగాణ బ్యూరో: రాష్ట్ర వ్యాప్తంగా 70 స్థానాల్లో గెలిచి పవర్‌లోకి రాబోతున్నామని ఏఐసీసీ సెక్రటరీ కేసీ వేణుగోపాల్ పేర్కొన్నారు. గురువారం గాంధీభవన్‌లోని వార్ రూమ్‌లో ఆయన పలువురి ముఖ్య కార్యకర్తలతో జూమ్ మీటింగ్‌ను ఏర్పాటు చేశారు. ఈ జూమ్‌లో ఏఐసీసీ అగ్రనేతలు సోనియా, రాహుల్ గాంధీలు కూడా పాల్గొన్నట్లు సమాచారం. ఈసందర్భంగా కేసీ మీడియాతో మాట్లాడుతూ... పార్టీ గెలుపు కొరకు కీలక నాయకులందరికీ సలహాలు, సూచనలు ఇచ్చామన్నారు.
దేశంలో కాంగ్రెస్ ప్రభుత్వం రాబోతుందని, అంతకంటే ముందు తెలంగాణ తో పాటు మరో నాలుగు రాష్ట్రాల్లో కాంగ్రెస్ జెండాను ఎగురవేయబోతున్నట్లు వెల్లడించారు. రాష్ట్రంలో పెండింగ్ లోని స్థానాలను వెంటనే ప్రకటిస్తామన్నారు. కర్ణాటక లో కాంగ్రెస్ కి వచ్చిన వాతావరణమే తెలంగాణ లో కనిపిస్తుందన్నారు. తెలంగాణ లో అవినీతి పాలన కు కాంగ్రెస్ చరమగీతం పాడబోతుందన్నారు.కాంగ్రెస్ లో ఎలాంటి గ్రూపులు లేవని, అందరూ కలసి పనిచేస్తారని కేసీ క్లారిటీ ఇచ్చారు. టికెట్ల కేటాయింపు విషయంలో కూడా స్పష్టమైన అభ్యర్థిని ఎంపిక చేశామని, ఎక్కడ ఇబ్బంది లేదని తేల్చి చెప్పారు.
