భద్రకాళీ భద్రేశ్వరుల కళ్యాణ బ్రహ్మోత్సవాల్లో పాల్గొన్న ఈగ మల్లేశం..
దిశ, హనుమకొండ టౌన్: వరంగల్ నగరంలోని భద్రకాళి భద్రేశ్వరుల కళ్యాణ బ్రహ్మోత్సవాలలో భాగంగా బుధవారం పద్మశాలి కుల బాంధవుల సమక్షంలో అమ్మవారి అభిషేకం కళ్యాణ బ్రహ్మోత్సవాలు ఘనంగా నిర్వహించారు. భద్రకాళీ భద్రేశ్వరులకు అఖిల భారత పద్మశాలి సంఘం మాజీ జాతీయ అధ్యక్షుడు, కేంద్ర ఖాది ఇండస్ట్రియల్ బోర్డ్ మాజీ డైరెక్టర్ ఈగ మల్లేశం పట్టు వస్త్రాలు సమర్పించారు. అనంతరం అభిషేకం, బ్రహ్మోత్సవాలలో పాల్గొని ప్రజలందరూ సుఖసంతోషాలతో ఉండాలని కోరారు.
ఆలయ ఈవో శేషు భారతి, వేద పండితులు, ఆలయ నిర్వాహకులు ఈగ మల్లేశం, పద్మశాలి కుల బాంధవులకు ఘనంగా స్వాగతం పలికి శాలువాలతో సత్కరించి అమ్మవారి తీర్థ ప్రసాదాలు అందించారు. ఈ కార్యక్రమానికి ముఖ్య అతిథులుగా వరంగల్ నగర మేయర్ గుండు సుధారాణి, ప్రభాకర్, ఆడేపు రవీందర్, సాంబారి సమ్మారావు, వన్నాల శ్రీరాములు, వేముల నాగరాజు, కుసుమ సతీష్, బచ్చు ఆనందం, పద్మశాలి కుల బాంధవులు కుటుంబ సమేతంగా అధిక సంఖ్యలో పాల్గొని భద్రకాళి అమ్మవారి కళ్యాణ బ్రహ్మోత్సవాలు భక్తిశ్రద్ధలతో తిలకించారు.
