తొలిసారి విఫలమైన వేణుస్వామి జోస్యం.. ఇక జ్యోతిష్యం వదిలేస్తారా?

దిశ, వెబ్‌డెస్క్: సినీ ప్రముఖలు, రాజకీయ నాయకుల గురించి జాతకాలు చెబుతూ తరచూ వార్తల్లో నిలుస్తాడు ప్రముఖ జ్యోతిష్యుడు వేణుస్వామి. ఈయన గతంలో టాలీవుడ్‌లో ఓ జంట విడాకులు తీసుకుంటుందని చెప్పాడు. కొన్ని రోజులకే సమంత-నాగ చైతన్య డివోర్స్ తీసుకున్నారు. ఇలా వేణుస్వామి చెప్పినా పలు విషయాలు నిజాలు కావడంతో అప్పటి నుంచి ఈయన ఏం చెప్పినా గుండెల్లో దడ పుడుతుంది. రీసెంట్‌గా మెగా డాటర్ నిహారిక.. తన భర్త వెంకట చైతన్యతో విడిపోయింది. నిహారిక విడాకులు తీసుకోబోయే ముందే వేణు స్వామి.. టాలీవుడ్‌లో మరో జంట విడిపోతుందన్నారు. నాగాబాబు గారాలపట్టి డివోర్స్ తీసుకోవడంతో ఇక ఈ జ్యోతిష్యుడికి తిరుగులేదని అనుకున్నారు. కానీ ఫస్ట్ టైం తెలంగాణ సీఎం విషయంలో మాత్రం ఈయన జోస్యం విఫలమైంది. ఇటీవల వేణు స్వామి ‘మూడోసారి తెలంగాణలో కేసీఆర్ ముఖ్యమంత్రి అవ్వకపోతే జ్యోతిష్యం చెప్పడం ఆపేస్తా’ అని చాలా కాన్ఫిడెన్స్‌గా చెప్పాడు. కానీ తెలంగాణ ప్రజలు ఈయన జోస్యాన్ని తలకిందులా చేశారు. ప్రస్తుతం ఎన్నికల కౌంటింగ్ చూసుకున్నట్లైతే తెలంగాణలో కాంగ్రెస్ అధికారంలోకి వచ్చింది.