నేడు మహిళా కమిషన్ ముందుకు.. కేటీఆర్

దిశ, వెబ్ డెస్క్: బీఆరెస్ వర్కింగ్ ప్రెసిడెంట్ కేటీఆర్.. శనివారం మహిళా కమిషన్ ఎదుట హాజరుకానున్నారు. తెలంగాణ ప్రభుత్వం మహిళలకు కల్పించిన బస్సులో ఉచిత ప్రయాణానికి సంబంధించి, కేటీఆర్ మహిళలపై అనుచిత వ్యాఖ్యలు చేసినందుకు గానూ.. కేటీఆర్ వ్యాఖ్యలను మహిళా కమిషన్ సుమోటోగా తీసుకొని, ఆయనకు ఈ నెల 16 న నోటీసులు ఇచ్చి, కమిషన్ ఎదుట హాజరు కావాలని ఆదేశాలు జారీ చేసిన సంగతి తెలిసిందే. ఈ నోటీసులపై కేటీఆర్ స్పందిస్తూ.. తాను కమిషన్ ఎదుట విచారణకు హాజరవుతానని అన్నారు. అయితే తాను యధాలాపంగా ఆ వ్యాఖ్యలు చేశానని, వారిని కించపరిచే ఉద్దేశం తనకు లేదన్నారు. అలాగే కాంగ్రెస్ అధికారంలోకి వచ్చినప్పటి నుంచి బీఆరెస్ పార్టీ మహిళా ఎమ్మెల్యేలపై సీఎం రేవంత్ రెడ్డి, ఇతర కాంగ్రెస్ నాయకులు చేసిన వ్యాఖ్యల వివరాలను కూడా కమిషన్ కు అందజేస్తానని తెలిపారు.