హైదరాబాద్ సైబర్ టవర్స్ ఎదుట టీడీపీ చీఫ్ జన్మదిన వేడుకలు
దిశ, డైనమిక్ బ్యూరో: తెలుగు రాష్ట్రాల్లో టీడీపీ అధినేత చంద్రబాబు జన్మదిన వేడుకలు ఘనంగా జరుగుతున్నాయి. టీడీపీ కార్యకర్తలు, చంద్రబాబు అభిమానులు బాబు పుట్టిన రోజులు గ్రాండ్‌గా సెలబ్రేట్ చేసుకుంటున్నారు. ఈ నేపథ్యంలోనే హైదరాబాద్ ఐటీ సెంటర్ అయిన హైటెక్ సిటీ సైబర్ టవర్ వద్ద చంద్రబాబు అభిమానులు, ఐటీ ఉద్యోగులు కేక్ కట్ చేసి వేడుకలు జరుపుకున్నారు. ‘బాబు సీఎం’ అంటూ నినాదాలు చేశారు. హైటెక్ సిటీ ఐటీ సెంటర్‌గా మారడానికి సీబీఎన్ కారణమని పలువురు ఐటీ ఉద్యోగులు చెబుతున్నారు.
తమ జీవితాలని మార్చేసిన దార్శనికుడు చంద్రబాబు అని ఐటీ ఉద్యోగులు ఈ సందర్భంగా సీబీఎన్‌కు శుభాకాంక్షలు తెలిపారు. దీనికి సంబంధించిన వీడియో సోషల్ మీడియాలో వైరల్ అయ్యింది. ‘బాబు సీఎం కావాలంటే మీరు ఏపీకి పోయి ఓట్లు వెయ్యాలి.. ఇక్కడ గొంతు చించుకొని అరిస్తే నడవదు’ అని పలువురు నెటిజన్లు కామెంట్స్ చేస్తున్నారు. మరోవైపు ఖమ్మం నగరంలో టీడీపీ జిల్లా కార్యాలయంలో చంద్రబాబు జన్మదిన వేడుకలను పార్టీ శ్రేణులు నిర్వహించాయి. దాదాపు 73 కేజీల భారీ కేక్ కట్ చేసి తెలుగు తమ్ముళ్లు వేడుకలు జరుపుకున్నారు.
