Deputy CM : బోనాల ఉత్సవాల్లో పాల్గొన్న డిప్యూటీ సీఎం మల్లు భట్టి విక్రమార్క
దిశ, బడంగ్ పేట్ : మహేశ్వరం నియోజకవర్గ పరిధిలోని బడంగ్ పేట్ మున్సిపల్ కార్పొరేషన్ లోని కూర్మలగూడా పోచమ్మ దేవాలయంలో బోనాల ఉత్సవాలు ఆదివారం ఘనంగా నిర్వహించారు. ఈ ఉత్సవాలకు తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్క ముఖ్య అతిథిగా పాల్గొని, అమ్మవారికి ప్రత్యేక పూజలు నిర్వహించారు. అనంతరం స్థానికులు పలు సమస్యలతో కూడిన వినతి పత్రాలను తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్కకు అందజేశారు.
ఈ కార్యక్రమంలో డిసిసి అధ్యక్షుడు, చైర్మన్ చల్లా నర్సింహారెడ్డి, టీపీసీసీ ప్రధాన కార్యదర్శి, బడంగ్ పేట్ మేయర్ చిగిరింత పారిజాత నర్సింహారెడ్డి, మహేశ్వరం నియోజకవర్గ కాంగ్రెస్ పార్టీ ఇంచార్జీ మాజీ ఎమ్మెల్యే కిచ్చన్నగారి లక్ష్మారెడ్డి, మాజీ ఎమ్మెల్యే, తీగల కృష్ణారెడ్డి, మాజీ జిల్లా పరిషత్ చైర్మన్ తీగల అనిత రెడ్డి, ఏనుగు జంగారెడ్డి, జడ్పిటిసి బొక్క జంగారెడ్డి, ప్లోర్ లీడర్ వంగేటి ప్రభాకర్ రెడ్డి, కార్పొరేటర్లు పెద్దబావి సుదర్శన్ రెడ్డి, బండారి మనోహర్, నేనావత్ బాలు నాయక్, నాయకులు బంగారి బాబు, ఎర్ర జైహింద్, రాళ్లగూడెం శ్రీనివాస్ రెడ్డి తదితరులు పాల్గొన్నారు.
