Onam Festival : ఓనం పండుగ వేడుకలు.. సీఎం రేవంత్ రెడ్డి సందేశం ఇదే

దిశ, డైనమిక్ బ్యూరో: కేరళ రాష్ట్రంలో అతిపెద్ద పండుగ ఓనం. ఈ పండుగను మలయాళీలు అత్యంత ఘనంగా జరుపుకుంటారు. కేరళ సంస్కృతి సంప్రదాయాలు, వ్యవసాయంతో ముడిపడిన పండుగ ఇది. ఆగస్టు-సెప్టెంబర్‌ నెలలో ఈ పండుగను పది రోజుల పాటు అత్యంత వైభవంగా కేరళ వాసులు జరుపుకుంటున్నారు. తెలుగు రాష్ట్రాల్లోనూ మలయాళీలు ఈ పండుగను ఘనంగా జరుపుకుంటారు.

ఈ సందర్భంగా ఓనం పండుగను పురస్కరించుకొని మలయాళీ సోదర, సోదరీమణులు అందరికీ ముఖ్యమంత్రి రేవంత్ రెడ్డి శుభాకాంక్షలు తెలిపారు. వ్యవసాయ, సాంస్కృతిక వేడుకైన ఈ ఓనం పండుగ వయనాడ్ విపత్తు నుంచి కోలుకుంటోన్న మలయాళీ కుటుంబాల్లో తిరిగి సంతోషాలు నింపాలని ఆదివారం తన సందేశంలో ముఖ్యమంత్రి ఆకాంక్షించారు.