బీఆర్ఎస్ బహిరంగ సభను విజయవంతం చేద్దాం: ఎమ్మెల్యే బొల్లం

దిశ, కోదాడ టౌన్: బుధవారం ఖమ్మంలో జరిగే బీఆర్ఎస్ తొలి బహిరంగ సభను విజయవంతం చేద్దామని కోదాడ ఎమ్మెల్యే బొల్లం మల్లయ్య యాదవ్ ప్రజలకు పిలుపునిచ్చారు. మంగళవారం కోదాడ ఎమ్మెల్యే క్యాంపు కార్యాలయంలో బహిరంగ సభకు సంబంధించిన టీ షర్ట్ ల పంపిణీని ఆయన ప్రారంభించారు. ఈ సందర్భంగా ఆయన మాట్లాడుతూ తెలంగాణ అభివృద్ధి దేశానికి సందేశంగా ఈ బహిరంగ సభ ఉంటుందని, దేశంలో ఏ రాష్ట్ర ముఖ్యమంత్రి, ప్రధానమంత్రి అమలు చేయని పథకాలను ముఖ్యమంత్రి కేసీఆర్ అమలు చేసి విజయవంతం చేశారన్నారు. ఈ కార్యక్రమంలో బీఆర్ఎస్ నాయకులు పైడిమర్రి సత్యబాబు, కొండ సైదయ్య, బజ్జూరి వెంకటరెడ్డి, హాల్తాఫ్ హుస్సేన్, వెంపటి మధుసూదన్, ఎలక నరేందర్ రెడ్డి, బట్టు శివాజీ నాయక్, ఒంటిపులి శ్రీనివాస్, సాదిక్, బత్తుల ఉపేందర్, లక్ష్మీనారాయణ తదితరులు పాల్గొన్నారు.