ఆంధ్రప్రదేశ్ గ్రామీణ వికాస్ బ్యాంక్ ను తెలంగాణ గ్రామీణ బ్యాంకుగా మార్పు

దిశ,మాడుగులపల్లి: రాష్ట్రంలోని గ్రామీణ ప్రాంతాల్లో ఎన్నో సేవలు అందించిన ఆంధ్రప్రదేశ్ గ్రామీణ వికాస్ బ్యాంక్ 2025 నుంచి తెలంగాణ గ్రామీణ బ్యాంకుగా మారి..రాష్ట్రవ్యాప్తంగా ఖాతాదారులకు సేవలు అందించడం జరుగుతుందని బ్యాంకు మేనేజర్ వంగాల చంద్రశేఖర్ రెడ్డి అన్నారు. మంగళవారం ఆయన విలేకరులతో మాట్లాడుతూ..బ్యాంకు సేవలు ఈ నెల 28 నుండి 31 వరకు పూర్తిగా సేవలు నిలిచిపోనున్నాయని, నెట్ బ్యాంకింగ్ ,మొబైల్ బ్యాంకింగ్, యూపీఐ లావాదేవీలు వంటి సేవలు పనిచేయవని తెలిపారు. కావున బ్యాంకు ఖాతాదారులు ముందస్తుగా గమనించి ఈ నెల 27 లోపు బ్యాంకు సేవలను వినియోగించుకోవాలని ఆయన కోరారు.