నరేంద్ర మోడీ మూడోవ సారి పీఎం కావాలని దేవున్ని ప్రార్థించా: ఎమ్మెల్యే

దిశ, తిరుమల: తిరుమల శ్రీ వెంకటేశ్వర స్వామి వారిని బుధవారం ఉదయం నైవేద్యం సమయంలో ఆదిలాబాద్ ఎమ్మెల్యే శంకర్ కుటుంబ సభ్యులతో కలిసి స్వామివారిని దర్శించుకున్నారు. దర్శనం అనంతరం ఆలయ రంగనాయక మండపంలో ఆలయ అధికారులు తీర్థప్రసాదాలు అందజేశారు. అనంతరం ఆయన మీడియాతో మాట్లాడుతూ.. తెలంగాణ, ఆదిలాబాద్ ప్రజలందరూ ఆయురారోగ్యాలతో ఉండాలని, అలాగే మా నరేంద్ర మోడీ మూడోసారి ప్రధానమంత్రి కావాలని స్వామివారిని ప్రార్ధించినట్లు ఆయన తెలిపారు.

అలాగే తెలంగాణ రాష్ట్రంలో రానున్న పార్లమెంట్ ఎలక్షన్‌లో బీజేపీకి ఎక్కువ మెజారిటీ వస్తుందన్నారు. తిరుమలలో తెలంగాణ భక్తులకు కొన్ని అసౌక్యాలు అవుతున్నాయని, అలాగే ఎమ్మెల్యే లెటర్లు తీసుకొస్తున్న భక్తులను ఇక్కడ సిబ్బంది ఎగతాళి చేస్తున్నారంటూ ఆయన ఆవేదన వ్యక్తం చేశారు. తెలంగాణ నుంచి వస్తున్న భక్తులకు అసౌకర్యం కలగకుండా చూడాలని ఏపీ ప్రభుత్వాన్ని కోరుతున్నానంటూ ఎమ్మెల్యే శంకర్ వెల్లడించారు.