బీఆర్ఎస్ పార్టీ ఎంపీ అభ్యర్థిగా మద్దతు ఇవ్వండి

దిశ, మెదక్ టౌన్: తనకు మెదక్ బీఆర్ఎస్ ఎంపీ అభ్యర్థిగా మద్దతు తెలపాలని మాజీ ఎమ్మెల్యేను బీఆర్ఎస్ రాష్ట్ర నాయకుడు బీరయ్య యాదవ్ కలిశారు. ఆదివారం బీఆర్ఎస్ జిల్లా అధ్యక్షురాలు, మాజీ ఎమ్మెల్యే పద్మ దేవేందర్ రెడ్డి తన నివాసంలో కలిసి వినతి పత్రం అందజేశారు. ఈ సందర్భంగా బీఆర్ఎస్ రాష్ట్ర సీనియర్ నాయకులు బీరయ్య యాదవ్ మాట్లాడుతూ… తను 2001 నుంచి తెలంగాణ ఉద్యమంలో పనిచేసిన తీరును, పార్టీ బలోపేతం కోసం కృషి చేసిన విధానాన్ని వారికి వివరించడం జరిగిందని అన్నారు. తన ఎంపీ అభ్యర్థిత్వానికి ఇచ్చిన వినతి పత్రం పట్ల మాజీ ఎమ్మెల్యే సానుకూలంగా స్పందించి మద్దతుగా ఉంటానని హామీ ఇవ్వడం జరిగిందని అన్నారు. మద్దతుగా ఉంటానని తెలిపిన వారికి ఆయన ధన్యవాదాలు తెలిపారు.