పంచాయతీతో వచ్చిన పంచాయితీ

అద్దే భవనంలోనే పంచాయతీ కార్యాలయం

ఏడాదిగా చెల్లించని అద్దే.. కార్యాలయానికి తాళం వేసి యాజమాని

గత్యంతరం లేక బయటే నిలబడిన సర్పంచ్, పంచాయతీ కార్యదర్శి

దిశ, చౌటపూర్ : మండల పరిధిలోని మంత్రి గూడెం గ్రామ పంచాయతీ భవనానికి సంబంధించి ఇంటి యజమాని బుధవారం తాళం వేసింది. అయితే, తాళం వేయడం ఏంటని ఆశ్చర్యపోకండి ఆ పంచాయతీ భవనం అద్దె భవనం. ఏడాది నుంచి అద్దే చెల్లించకపోవడంతో, విషయాన్ని గత మూడు నెలలుగా సర్పంచ్, పంచాయతీ కార్యదర్శి దృష్టి తీసుకెళ్లిన వారు పట్టించుకోలేదు. దీంతో విసిగు చెందిన ఇంటి యజమాని బుధవారం పంచయతీ కార్యాలయానికి తాళం వేసినట్లు తెలిపారు. ఈ పరిణామంతో గ్రామ సర్పంచ్, పంచాయతీ కార్యదర్శి కార్యాలయం బయటే నిలబడవలసి వచ్చింది. అయితే, విషయం గ్రామ పెద్దలకు తెలియడంతో ఇంటి యజమానికి నచ్చజెప్పి కార్యాలయానికి వెసిన తాళం తీయించారు.