ఘనంగా శ్రీనివాస కళ్యాణం.. పాల్గొన్న ఎమ్మెల్యే ఆల

దిశ, దేవరకద్ర: దేవరకద్ర నియోజకవర్గం, సీసీ కుంట మండలం బండర్ పల్లి అలివేలు మంగ, లక్ష్మి వేంకటేశ్వర స్వామి బ్రహ్మోత్సవాలు ఘనంగా నిర్వహించారు. ఈ సందర్భంగా గురువారం తెల్లవారుజామున రథోత్సవం నిర్వహించారు. బ్రహ్మోత్సవాలలో భాగంగా శ్రీనివాస కళ్యాణం వైభవంగా జరిగింది. ఈ కార్యక్రమానికి ముఖ్య అతిథిగా దేవరకద్ర ఎమ్మెల్యే ఆల వెంకటేశ్వర్ రెడ్డి, జిల్లా పరిషత్ చైర్మన్ స్వర్ణ సుధాకర్ రెడ్డి హాజరై స్వామి వారికి ప్రత్యేక పూజలు చేశారు.

అర్చకులు తీర్థప్రసాదాలు అందించి వారిని శాలువాతో సన్మానించారు. అనంతరం దేవాలయ ఆవరణంలో పది లక్షలతో నిర్మించిన కామన్ హాల్ ను ఎమ్మెల్యే ఆల ప్రారంభించారు. ఈ కార్యక్రమంలో సర్పంచ్ సతీష్, మాజీ సర్పంచ్ ఆంజనేయులు , కృష్ణారెడ్డి, మోహన్, యాదయ్య, శ్రీనివాసులు తదితరులు పాల్గొన్నారు.