కాంగ్రెస్ కు షాక్.. బీఆర్ఎస్ లో చేరిన మాజీ మున్సిపల్ చైర్మన్
దిశ, మహబూబ్ నగర్ : మాజీ మున్సిపల్ చైర్మన్, డీసీసీ మాజీ అధ్యక్షుడు, సీనియర్ కాంగ్రెస్ నాయకుడు ముత్యాల ప్రకాష్ హైదరాబాద్ తెలంగాణ భవన్ లో జరిగిన ఒక కార్యక్రమంలో మంత్రులు కేటీఆర్, శ్రీనివాస్ గౌడ్ సమక్షంలో అధికార పార్టీ బీఆర్ఎస్ లో చేరారు. ఈ సంధర్భంగా మంత్రి కేటీఆర్ ముత్యాల ప్రకాష్ కు గులాబీ కండువా కప్పి పార్టీలోకి ఆహ్వానించారు. ఈ సందర్భంగా ముత్యాల ప్రకాష్ మాట్లాడుతూ కాంగ్రెస్ పార్టీలో సీనియర్లకు స్థానం లేదని, కష్టపడి పని చేసిన నాయకులకు, కార్యకర్తలకు గుర్తిపులేదని ఇందుకు ప్రస్తుత పరిణామాలే నిదర్శనమని ఆయన ఆవేదన చెందారు.
కేసీఆర్ నాయకత్వంలో బీఆర్ఎస్ అన్ని వర్గాల వారి సంక్షేమం కోసం పని చేస్తూ అభివృద్ధి వైపు దూసుకపోతుందని, అందుకే బీఆర్ఎస్ లో చేరానని ఆయన అన్నారు. కాంగ్రెస్ పార్టీ సీనియర్ నాయకుడైన ముత్యాల ప్రకాష్ లాంటి వారు ఆ పార్టీని వీడి బీఆర్ఎస్ లో చేరడం పై మంత్రులు స్వాగతించారు. త్వరలో అనేక మంది నాయకులు, కార్యకర్తలు కాంగ్రెస్ ను వీడేందుకు సిద్ధంగా ఉన్నట్లు విశ్వసనీయ వర్గాల ద్వారా తెలిసింది.
