గడపగడపకు కాంగ్రెస్.. ప్రచారంలొ పాల్గొన్న రాజేష్ రెడ్డి

దిశ, తిమ్మాజీపేట : రాబోయే ఎన్నికల్లో నియోజకవర్గంలో కాంగ్రెస్ జెండా ఎగరడం ఖాయామని కాంగ్రెస్ ఎమ్మెల్యే అభ్యర్థి డాక్టర్ కుచుకుళ్ల రాజేష్ రెడ్డి అన్నారు. బుధవారం మండల పరిధిలోని బాజీపూర్, గోరిట, చేగుంట, గ్రామాలలో గడపగడపకు కాంగ్రెస్ కార్యక్రమంలో ఆయన పాల్గొన్నారు. ఈ సందర్భంగా ప్రజల ఉద్దేశించి మాట్లాడుతూ కాంగ్రెస్ ఎన్నికల మేనిఫెస్టోలో 6 గ్యారంటీ పథకాలను అమలు చేసి పేద ప్రజలకు ఆదుకుంటుందన్నారు. అదేవిధంగా ప్రజల అమూల్యమైన ఓటును కాంగ్రెస్ పార్టీ హస్తం గుర్తుకు ఓటు వేసి అత్యధిక మెజారిటీతో తనను గెలిపించి ఆశీర్వదించాలని ఆయన కోరారు. కాంగ్రెస్ పార్టీ అధికారంలోకి వచ్చిన వెంటనే మీ సమస్యలను పరిష్కరిస్తానని హామీ ఇచ్చారు.

వృద్ధులకు వితంతువులకు వికలాంగులకు చేనేత కల్లు గీత కార్మికులకు చేయూతగా నాలుగు వేల రూపాయలు రైతులకు ఒకేసారి రెండు లక్షల రుణమాఫీ ఇందిరమ్మ ఇంటికి ఐదు లక్షలు రైతుబంధు క్రింద ప్రతి ఏటా ఎకరానికి 15,000 కౌలు రైతులకు 12 వేల రూపాయలు, 500 గ్యాస్ సిలిండర్ ఇంకా ఎన్నో సంక్షేమ పథకాలను ప్రజలకు అందిస్తామన్నారు. ఈ కార్యక్రమంలో మండల కాంగ్రెస్ పార్టీ అధ్యక్షులు వెంకటరామిరెడ్డి, కాంగ్రెస్ సీనియర్ నాయకులు శ్రీనివాస్ బహదూర్, మహమ్మద్ ఉస్మాన్, లక్ష్మీనారాయణ, దానం బాలరాజు, దేవాస్వామి, మాధవులు, మహమ్మద్ రవూఫ్, షేక్ ముబారక్, తదితరులు పాల్గొన్నారు.