పొలాల్లోకి దూసుకెళ్లిన కారు.. MLA మర్రి జనార్ధన్ రెడ్డికి తృటిలో తప్పిన పెను ప్రమాదం

దిశ, ప్రతినిధి నాగర్ కర్నూల్: స్థానిక ఎమ్మెల్యే మర్రి జనార్దన్ రెడ్డికి తృటిలో పెను ప్రమాదం తప్పంది. ప్రజా ప్రస్థానం యాత్రలో భాగంగా ఆదివారం బిజినపల్లి మండలంలోని కారుకొండ, వసంతాపూర్ మీదుగా ప్రయాణిస్తున్న క్రమంలో ఎమ్మె్ల్యే కాన్వాయ్ వేగంగా వెళుతూ అదుపుతప్పి పక్కనే ఉన్న వరి పొలాల్లోకి దూసుకుపోయింది. దీంతో డ్రైవర్ చాకచక్యంగా వ్యవహరించడంతో ప్రమాదం తప్పిందని స్థానికులు తెలిపారు. అనంతరం ఎమ్మెల్యే ఇతర వాహనంలో ప్రజా ప్రస్థానం యాత్రను కొనసాగించారు. అనంతరం వాహనాన్ని క్రేన్ సాయంతో బయటకు తీసేందుకు ప్రయత్నిస్తున్నారు. ఎమ్మెల్యేకు తృటిలో పెను ప్రమాదం తప్పడంతో ఆయన అనుచరులు, అభిమానులు, అధికారులు ఊపీరి పీల్చుకున్నారు.